Չինաստանին պետք է ավելին անել՝ նվազեցնել առեւտրային լարվածությունը։ Այս մասին Bloomberg News-ին տված հարցազրույցում հայտարարել է ԱՄՆ առեւտրի նախարար Ուիլբուր Ռոսը։

Թեեւ Միացյալ Նահանգները չի սպասում, որ Չինաստանը կկատարի Դոնալդ Թրամփի վարչակազմի առաջադրած բոլոր 142 պահանջները, Ռոսը հայտարարել է, որ այժմյան բանակցությունների հաջողությունը կախված կլինի նրանից, թե քանի պահանջ կկատարվի, եւ կհամաձայնի արդյոք Չինաստանը պարտադիր գործողությունների։

Նրա խոսքերով՝ Չինաստանին, բացի սոյայի գնումներից եւ մեծ քանակությամբ հեղուկ գազ ներկրելուց, անհրաժեշտ կլինի նախաձեռնել գործողություններ, որպեսզի վերջ դրվի առեւտրային փակուղուն։