2017 թվականին աշխարհում պետական եւ մասնավոր պարտքի ծավալը հասել է ռեկորդային 184 տրլն դոլարի, նշված է Արժույթի միջազգային հիմնադրամի տեղեկագրում: Սա համարժեք է գլոբալ ՀՆԱ-ի 225 տոկոսին:
Ներկայումս համաշխարհային պարտքը մեկ մարդու հաշվարկով միջին 86 հազար դոլարը գերազանցում է, ինչն ավելի քան 2,5 անգամ գերազանցում է բնակչության մեկ շնչի հաշվարկով միջին եկամուտը, հայտնում է «Ինտերֆաքսը»:
Համաշխարհային խոշորագույն փոխառուների եռյակի մեջ են մտնում ԱՄՆ-ն, Չինաստանը եւ Ճապոնիան: Այս երկրներին է բաժին ընկնում գլոբալ պարտքի ծավալի կեսից ավելին, ինչը գերազանցում է համաշխարհային արտադրությունում նրանց բաժինը, նշված է հիմնադրամի հաղորդագրության մեջ:
ԱՄՀ-ն իր հաշվարկներում հաշվի է առնում 190 պետությունների տվյալները:
