Բելառուի նախագահ Ալեքսանդր Լուկաշենկոն հաղորդել է, որ կպատասխանի անօթեւան կենդանիների պաշտպանության մասին հայտնի դերասանուհի Բրիջիտ Բարդոյի նամակին, հաղորդում է «ՌԻԱ Նովոստին»:
Ավելի վաղ դերասանուհին համացանցում հրապարակել էր Լուկաշենկոյին ուղղված նամակը՝ խնդրելով պաշտպանել անօթեւան կենդանիներին վերացումից եւ դաժան վերաբերմունքից:
Ընդ որում Բարդոն Լուկաշենկոյին կոչ էր արել «խիզախ լինել այս հարցի լուծման ժամանակ եւ խնդրել էր չհիասթափեցնել իրեն:
Նամակի կրկնօրինակները ուղարկվել են նաեւ Բելառուսի կառավարություն եւ հանրապետության խրհրդարանի ստորին պալատ:
«Ինձ այս թեման (կենդանիների պաշտպանության ) ծանոթ է, Բրիջիտ Բարդոն նամակ է ուղարկել: Պատասխանն ենք պատրաստում: Բրիջիտ Բարդոն մեծություն է, ավելին՝ շատ կարեւոր թեմա է բարձրացրել», - ուրբաթ ռուսաստանյան լրատվամիջոցների հետ հանդիպմանն ասել է նա:
Կենդանիներին թունավորելով սպանելու հետ կապված իրավիճակի մասին հարցին Լուկաշենկոն ասել է, որ մանրամասն կուսումնասիրի այն:
«Երբ առողջ կենդանիները լքված են եւ նրանց սպանում են, դա այլանդակություն է: Բայց դա մեր ընդհանուր այլանդակությունն է: Ես որպես գյուղացի մարդ, գիտեմ, որտեղից են հայտնվում անօթեւան կատուներն ու շները՝ դա մեզանից է գալիս, մենք ենք նրանց փողոց նետում: Դրա համար մենք հավերժ պայքարելու ենք այս խնդրի հետ, մինչեւ ինքներս խելքի չգանք», - կարծում է Լուկաշենկոն: