Ֆիլիպինների դատարանը ուրբաթ օրը դպրոցականների եւ հոգեւորականի առեւանգման մեջ մեղավոր է ճանաչել 66 մարդու, որոնք ենթադրաբար իսլամիստական «Աբու Սայաֆ» խմբավորումից են՝ տեղեկացնում է Associated Press-ը։ Առեւանգումները տեղի են ունեցել 2000թ․։
Դատարանը նաեւ արդարացրել է 20 մարդու, որոնք մեղադրվել եւ մի քանի տարի ձերբակալված են եղել այս հանցանքի համար։
Նշվում է, որ այն ժամանակ, 2000թ․ մարտին, առեւանգողները գլխատել էին երկու ուսուցչի, իսկ հոգեւորականը մահացել էր անազատության մեջ։ Մնացածին հաջողվել էր փրկել։