Մոսկվան եւ Լոնդոնը դիվանագիտական առաքելությունների կազմը երկու մայրաքաղաքներում մասամբ վերականգնելու բանակցություններ են վարում։ Այս մասին Ինտերֆաքսին հայտնել է Մեծ Բրիտանիայում Ռուսաստանի դեսպանությունը։
Ավելի վաղ Բրիտանիայում Ռուսաստանի դեսպան Ալեքսանդր Յակովենկոն հայտարարել էր, որ բրիտանական իշխանությունները, ձգձգելով վիզաների տրամադրումը, խոչընդոտում են Լոնդոնում ռուսական դիվանագիտական առաքելության կազմի վերականգնմանը։
Այս տարվա մարտին բրիտանական Սոլսբերի քաղաքում Սերգեյ եւ Յուլյա Սկրիպալների թունավորման հետեւանքով Մեծ Բրիտանիայի իշխանությունները արտաքսել էին 23 ռուս դիվանագետների։ Մոսկվան պատասխանել էր նույն թվով դիվանագետների արտաքսմամբ։