Քաբուլում են հավաքվել Աֆղանստանի, Պակիստանի եւ Չինաստանի ներկայացուցիչները՝ քննարկելու առեւտրային հարցերը, զարգացման խնդկիրները եւ տարածաշրջանում հակամարտությունների դադարեցման հարցերը, փոխանցում է Associated Press-ը:
Աֆղանստանի նախագահի մամուլի քարտուղարը հայտնել է, որ 3 երկրների ներկայացուցիչները շաբաթօրյա հանդիպմանը կքննարկեն հարցերի լայն սպեկտր՝ տարածաշրջանային տնեսական զարգացումից մինչեւ ահաբեկչության դեմ պայքար:
Հայտնի է, որ Պակիստանն ու Աֆղանստանը երկար ժամանակ միմյանց մեղադրում են «Թալիբանի» եւ այլ զինված խմբավորումների դեմ պայքարում ձախողման համար, որոնք հակաիրավական գործողություններ են իրականացնում 2 երկրների սահմանին:
Իսկ Չինաստանը Պակիստանին տասնյակ միլիարդ դոլարի պարտք է տվել, եւ 2 երկրները սերտ տնտեսական հարաբերություններ են հաստատել Պեկինի՝ «Մեկ գոտի, մեկ ճանապարհ» քաղաքականության շրջանակում, որն ուղղված է Ասիայում տնտեսական կապերի ընդարձակմանը:
