Եվրահանձնաժողովի նախագահ Ժան-Կլոդ Յունկերը ԵՄ առաջնորդների գագաթնաժողովի երկրորդ օրը աչքի է ընկել տարօրինակ պահվածքով, հայտնում է «ՌԻԱ Նովոստի»-ն:
Համացանցում հրապարակված հոլովակում երեւում է, թե Յունկերն ինչպես է խառնում իր աշխատակցուհիներից մեկի մազերը, ինչով հարուցել է շուրջը գտնվողների զարմանքը: Այնուհետեւ ԵՀ նախագահը ձեւացրել է, թե մրսում է, իսկ հետո ողջունելով մեկ այլ աշխատակցի՝ նրա ձեռքն է շոյել:
Ավելի ուշ մամուլի ասուլիսը սկսվելուց առաջ Յունկերը կտրուկ շարժումով հատակին է նետել փաստաթղթերի կույտը՝ ոչ մի կերպ չպարզաբանելով իր գործողությունը:
ԵՀ ղեկավարը հայտնի է նրանով, որ սիրում է մամուլի ասուլիսներում կատակել: Հոկտեմբերի սկզբին Յունկերը Բրյուսելում իր ելույթներից մեկը սկսել էր Մեծ Բրիտանիայի վարչապետ Թերեզա Մեյի պարային շարժումների նմանակմամբ: