Հնդկաստանի խոշորագույն մասնավոր ավիաընկերություն IndiGo-ի օդանավը, որը շաբաթ չվերթ էր կատարում Մումբայից Լաքհնաու, օդ բարձրանալուց հետո վերադարձել է օդանավակայան օդանավում ռումբի տեղադրման մասին հաղորդագրության պատճառով, հայտնում է Hindustan Times պարբերականը՝ վկայակոչելով Մումբայի օդանավակայանի ներկայացուցչին եւ ավիաընկերության հայտարարությունը:

Նշվում է, որ ռումբի մասին հայտնել է այլ չվերթի ուղեւորը: Օդանավակայան վերադառնալուց հետո օդանավը տեղափոխվել է մեկուսացված անգար ստուգման համար:

Օդանավում ռումբ չի հայտնաբերվել: Ավիաընկերության հայտարարության համաձայն՝ կեղծ հաղորդագրությունն ուղարկած կինը տառապում է հոգեկան հիվանդություններով: