Փարիզում շաբաթ առավոտյան «դեղին բաճկոնավորների» բողոքի ակցիայի նախաշեմին ձերբակալվել է 6 մարդ, հայտնում է BFMTV հեռուստաալիքը:
Ֆրանսիայի ՆԳ նախարար Քրիսթոֆ Կաստաները արդեն ժամանել է Փարիզի կենտրոնի Համաձայնության (Կոնկորդ) հրապարակ, որտեղ ողջունել է իրավապահ մարմինների աշխատակիցներին, որոնք ապահովում են ցույցերի անվտանգությունը:
Հեռուստաալիքը նշում է, որ այս պահին բողոքի ցույցերի ենթադրվող վայրերում իրադրությունը հանգիստ է:
Հիշեցնենք, որ Ֆրանսիայում «դեղին բաճկոններ» շարժման բողոքի ցույցերը սկսվել են նոյեմբերի 17-ին, նրանք մասնավորապես հանդես են գալիս բենզինի գների բարձրացման դեմ: Զանգվածային ցույցերն ուղեկցվում են ոստիկանների եւ ցուցարարների բախումներով, ջարդարարությամբ ու մեքենաների հրկիզումներով, խանութների, բանկերի ավերմամբ: BFMTV-ի տեղեկություններով՝ Ֆրանսիայի իրավապահ մարմինները ցույցերի մեկնարկից սկսած ձերբակալել են ավելի քան 4,5 հազար մարդու, որոնցից 4,1 հազարը կալանավորվել է:
