Parker զոնդը դեռեւս հոկտեմբերին Արեգակին ավելի մոտ էր թռչել, քան պատմության մեջ մնացյալ բոլոր տիեզերական սարքերը: Լուսանկարի կենտրոնում վառ բիծն Արեգակը չէ, այլ Մերկուրին, շուրջը եղած մուգ բծերը կարգավորման հետեւանքն են, հայտնում է Daily Mail-ը:
Բուն Արեգակը վառ դեղին շերտն է, որը էներգիայի պսակաձեւ արտանետում է ներկայացնում: Աստղագետները հույս ունեն, որ Parker-ի տեղեկությունները թույլ կտան նոր տվյալներ ստանալ արեգակի պսակում ընթացող պրոցեսների մասին, այդ թվում՝ լուծել 3 գաղտնիք:
Առաջին՝ ինչո՞ւ է արեգակնային պսակը 300 անգամ ավելի տաք բուն Արեգակից: Երկրորդ՝ ինպե՞ս է արեգակնային քամին այդքան բարձր արագությունների հասնում (մինչեւ 1200 կմ/ժամ): Եվ վերջապես՝ որոշ մասնիկներ ինչպե՞ս են հասնում մինչեւ լույսի արագության կեսին:
Ֆիզիկական գիտությունների դոկտոր Թերրի Կուսերան առաջին լուսանկարներն այսպես է մեկնաբանում. «Parker-ն այնտեղ է ուղեւորվել, որտեղ մենք դեռեւս չենք եղել: Արեգակնային պսակում տեղի են ունենում բարդ պրոցեսներ, որոնց մենք մինչեւ վերջ տեղյակ չենք»:
