2018 թվականի Խաղաղության Նոբելյան մրցանակակիրներից մեկը՝ Նադյա Մուրադը, հայտնել է, թե ինչպես է տնօրինելու ստացած միջոցները, հայտնում է Reuters-ը:
Նրա խոսքով՝ իր հայրենի քաղաքում հիվանդանոց կկառուցի:
«Խաղաղության Նոբելյան մրցանակի փողով ես Սինջարում հիվանդանոց կկառուցեմ հիվանդ մարդկանց, առաջին հերթին այրիներին եւ կանանց բուժելու համար, որոնք ԻՊ գրոհայինների սեռական բռնության զոհն են դարձել»,- նշել է Մուրադը:
Նա հավելել է, որ առաջիկայում կապ կհաստատի հումանիտար կազմակերպությունների հետ՝ այս հարցը քննարկելու համար:
