Ֆրանսիայի հյուսիսում ճանապարհին դժբախտ պատահարի հետեւանքով 44-ամյա կին է մահացել, որին անուղղակիորեն մասնակցել են «Դեղին բաճկոններ» շարժման անդամները, հայտնում է France Info-ն:
Ռադիոկայանի տեղեկացմամբ՝ ուրբաթ գիշերը զույգը ընթացել է Սուասոն կոմունայի ուղղությամբ: Մեքենայի վարորդը «դեղին բաճկոնավորների» տեղադրած պատնեշները տեսնելով՝ շրջադարձ է կատարել եւ հայտնվել հանդիպակաց ուղեմասում, որտեղ նրան է բախվել մեկ այլ ավտոմեքենա: Զույգից կինը մահացել է, վարորդին տեղափոխել են Սուասոնի կոմիսարիատ:
Իշխանությունների քաղաքականությանն չհամաձայնող, վառելանյութերի գների բարձրացմամբ, ինչպես նաեւ գնողունակության նվազմամբ վրդովված «դեղին բաճկոնավորները» սկսել են փողոցներ դուրս գալ նոյեմբերի 17-ից: Նրանց սկզբնական պահանջն էր բենզինի գների նվազեցումը, որոնց այնուհետեւ ավելացել են մի շարք այլ պահանջներ: Զանգվածային բողոքի ցույցերն ուղեկցվել են ոստիկանների հետ ցուցարարների բազմաթիվ բախումներով, ավերածություններով, մեքենաների հրկիզումներով, խանութների եւ բանկերի ավերածություններով: Շաբաթ Փարիզում եւ Ֆրանսիայի այլ քաղաքներում ընթանում է «դեղին բաճկոնավորների» հերթական ցույցը:
