Վերջին 18 ամիսների ընթացքում չինական իշխանությունների հետ կապված հաքերները բազմիցս գրոհել են այն ընկերությունները, որոնք սարքավորումներ են մատակարարում ԱՄՆ ռազմածովային ուժերին՝ հայտնում է The Wall Street Journal-ը։
Թերթը գրում է, որ կիբերհարձակումները կատարվել են ռազմաարդյունաբերության հետ կապված տարբեր ընկերությունների վրա, սակայն նավատորմն ու ռազմաօդային ուժերը ավելի մեծ հետաքրքրություն են ներկայացրել նրանց համար։
Հաքերներին հետաքրքրել է ոչ միայն նավերի գտնվելու վայրը, այլեւ նրանց վրա տեղակայված հրթիռների մասին տվյալները։ Ընդ որում, գրոհների են ենթարկվում ոչ միայն խոշոր, այլեւ փոքր ընկերությունները։
WSJ-ի զրուցակիցները հայտնել են, որ գրոհների են ենթարկվել նաեւ համալսարանական լաբորատորիաները, որոնք հետազոտություններ են կատարում Պենտագոնի համար։