Հնագետները Կահիրեի մոտ 4 հազար տարվա, ձեռք չտված դամբարան են հայտնաբերել՝ տեղեկացնում է ՌԻԱ Նովոստին։
Այս մասին հայտնել է Եգիպտոսի հին հուշարձանների հարցերով նախարար Խալեդ Ալ Անանին՝ ներկայացնելով հերթական հնագիտական բացահայտումը։
Նրա խոսքերով դամբարանը պատկանել է Հին Եգիպտոսի 5-րդ դինաստիայի փարավոնների օրոք ապրած բարձրաստիճան պաշտոնյայի ընտանիքին։
«Սա 2018թ․ ամենագեղեցիկ եւ ամենանշանակալի հայտնաբերումն է»,- ասել է նախարարը՝ հավելելով, որ գիտնականները այնտեղից կհանեն բոլոր արտեֆակտները՝ ուսումնասիրելու համար։