Խաղալիք բադ եւ ճտեր, գուլպաներ, Քիթիքինս կատվի համար գնդակ եւ ժապավեն է խնդրել Սանտա Կլաուսից հնգամյա Մարջորին՝ բրիտանական Իստբուրն քաղաքում, 120 տարի առաջ՝ տեղեկացնում է BBC-ն։
Մատիտով գրված նամակը պատահաբար գտնվել է մի գրքի մեջ, որ հանձնել են բարեգործական տաղավար։
Մարջորին նամակը ստորագրել է 1898թ․ դեկտեմբերի 2-ին եւ գրել է հասցեն՝ Էնիս-ռոուդ փողոց, Իստբորն, որ Անգլիայի հարավում է։
Խանութի աշխատակցուհի Լիլի Բիրչելն ասել է, որ կուզեր գտնել Մարջորիի սերունդներին եւ վերադարձնել նամակը նրանց։