«Թալիբան» իսլամական շարժումը հայտարարել է ԱՄՆ ներկայացուցիչների հետ հերթական հանդիպում ամցկացնելու մասին, որը պետք է տեղի ունենա Սաուդյան Արաբիայում, փոխանցում է Associated Press-ը:
Շարժման ներկայացուցիչ Զաբիուլլահ Մուջահիդը հայտնել է, որ հանդիպումը կկայանա երկուշաբթի:
Հաղորդագրության համաձայն՝ բանակցություններին կմասնակցեն Սաուդյան Արաբիայի, Պակիստանի եւ ԱՄԷ-ի ներկայացուցիչները:
ԱՄՆ ներկայացուցչությունում այս տեղեկությունը չեն հաստատել, սակայն հանդես չեն եկել նաեւ հերքմամբ:
Ընդ որում՝ ԱՄՆ հատուկ ներկայացուցիչ Զալմեյ Խալիլզադը ավելի վաղ հայտնել էր, որ հանդիպել է աֆղանստանյան կողմերի հետ, որոնք ներգրավված են երկրում ընթացող 17-ամյա պատերազմին:
Այդ ժամանակից սկսած՝ վերականգնվել են Աֆղանստանում ճգնաժամը խաղաղ բանակցությունների ճանապարհով կարգավորելու փորձերը:
Ավելի վաղ Պակիստանի ներկայացուցիչները հայտարարել էին այն մասին, որ կնպաստեն խաղաղ բանակցությունների կազմակերպմանը: