Երկուշաբթի Աթենքում հունական SKAI TV հեռուստաալիքի շենքի մերձակայքում հզոր պայթյուն է որոտացել, փոխանցում է Reuters-ը:
Նշվում է, որ տեղի ունեցածի պատճառը շենքի մոտ տեղադրված պայթուցիկ սարքն էր
Բարեբախտաբար, զոհեր չկան:
Տեղի ունեցածի հետեւանքով զգալի վնաս է պատճառվել հեռուստաալիքի գրասենյակի բոլոր կառույցներին. կոտրվել են պատուհանների ապակիները, վնասվել է գրասենյակի ինտերիերը:
Տեղական ոստիկանությունից հայտնել են, որ պայթուցիկ սարքը գործարկվել է տեղական ժամանակով 02:35-ին:
Մինչ այս ռումբերի տեղադրման մասին անանուն հաղորդագրություններ էին ստացել տեղական երկու տեղեկատվական գործակալություններ:
SKAI-ն հունական խոշորագույն հեռուստակայաններից մեկն է եւ մեդիախմբի մաս է, որի մեջ են մտնում նաեւ ռադիոկայանը եւ հայտնի Kathimerini պարբերականի խմբագրությունը: