Արցախի Հանրապետության նախագահ Բակո Սահակյանն այսօր` դեկտեմբերի 17-ին, արտակարգ իրավիճակների պետական ծառայության անձնակազմին է ներկայացրել նորանշանակ տնօրեն, գեներալ-լեյտենանտ Լևոն Մնացականյանին:

Արցախի ԱԻՊԾ լրատվական ծառայությունից NEWS.am-ին հայտնում են, որ Բակո Սահակյանը, շնորհակալություն հայտնելով նախկին տնօրեն Կարեն Սարգսյանին ծառայությունը պատշաճ ղեկավարելու համար, նշել է, որ վերջինս իր նոր պաշտոնում կշարունակի իր ներդրումն ունենալ պետականաշինության գործում:

Ավելի վաղ NEWS.am-ը հայտնել էր, որ Արցախի նախագահ Բակո Սահակյանը դեկտեմբերի 14-ին ստորագրել է հրամանագիր, համաձայն որի` գեներալ-լեյտենանտ Լեւոն Մնացականյանն ազատվել է Արցախի Հանրապետության պաշտպանության նախարար–պաշտպանության բանակի հրամանատարի պաշտոնից:

• Լեւոն Մնացականյանն ազատվեց պաշտոնից, Բակո Սահակյանը ներկայացրել է նոր նախարարին
• Ով հանել է, իրեն հարցրեք. Լեւոն Մնացականյանը՝ իր պաշտոնանկության պատճառների մասին