«Մենք» դաշինքը դեկտեմբերի 9-ին կայացած արտահերթ խորհրդարանական ընտրությունների արդյունքների վիճարկման համար Սահմանադրական դատարան դիմելու պատճառ չի տեսնում։

Արդարադատության նախարարի պաշտոնակատար Արտակ Զեյնալյանը, որը նաեւ «Մենք» դաշինքից պատգամավորի թեկնածու էր առաջադրվել դաշինքից, հայտնեց՝ դաշինքի կողմից չեն գրանցվել այնպիսի խախտումներ, որոնք թույլ կտան դիմել Սահմանադրական դատարան. «Կարծում եմ՝ այսպիսի խախտումներ ընդհանրապես չեն գրանցվել»,–ասաց նա։

Պատասխանելով իր քաղաքական ապագայի մասին հարցին՝ նախարարի պաշտոնակատարը մշուշոտ պատասխան տվեց, որի ամբողջ իմաստը տանում էր «սպասենք՝ տեսնենքի»։