Անկարայի գլխավոր դատախազությունը երկուշաբթի 64 զինծառայողների ձերբակալման օրդեր է տվել, որոնք, ենթադրաբար, ներգրավված են Թուրքիայի տարածքում արգելված «ֆեթուլահականների ահաբեկչական կազմակերպության» (FETO) գործունեությանը, հայտնում է Haber Turk հեռուստաալիքը։  

Կասկածյալների ձերբակալման գործողությունները անցկացվում են 2016 թվականին Թուրքիայում պետական հեղաշրջման գործի շարունակվող հետաքննության շրջանակներում։ Կասկածյալների թվում Թուրքիայի Ցամաքային զորքերի հրամանատարության 35 սերժանտական կազմի ներկայացուցիչներ եւ Ժանդարմերիայի հրամանատարության 25 սերժանտներ կան։

Նրանցից մի քանիսը մեղադրվում են FETO–ի ներքին իմամների հետ կանոնավոր կապեր պահպանելու մեջ, այսինքն՝ մարդկանց հետ, որոնք զբաղվում են հավաքագրված զինվորականների եւ բանակային կառույցներից դուրս խմբավորման բջիջների համակարգմամբ։

Անկարան 2016 թվականի հուլիսի 15-ին տեղի ունեցած հեղաշրջման փորձի կազմակերպման մեջ մեղադրում է FETO–ին։