News
Լրահոս
News
Չորեքշաբթի
Հոկտեմբեր 23
USD
475.99
EUR
528.92
RUB
7.45
ME-USD
0.07
Տեսնել լրահոսը

«Միասնական ազգային շարժում» կուսակցությունից նախագահի նախկին թեկնածու Գրիգոլ Վաշաձեն հայտարարել է բողոքի անընդմեջ գործողությունների մասին, որոնք կսկսեն երեքշաբթի օրվանից։ Այս մասին հաղորդում է Sputnik-Грузия-ն։

«Ուժը միասնության մեջ է» ընդդիմադիր դաշինքը, որի մեջ է նաեւ Միասնական ազգային շարժումը, չի ճանաչում նախագահական ընտրությունների արդյունքները եւ պահանջում է արտահերթ խորհրդարանական ընտրությունների անցկացում։

«Մենք արդեն վաղվանից սկսում ենք բողոքի գործողությունները։ Դրանք չեն դադարի ոչ մի օր։ Հիմա ինձ մի հարցրեք, թե դրանք ինչ գործողություններ են լինելու, մենք այդ մասին մեր կողմնակիցներին կիրազեկենք այսօր երեկոյան։ Վաղը մենք սկսում ենք անընդմեջ բողոքի գործողությունները, որոնք կկրեն խաղաղ բնույթ՝ Վրաստանի Սահմանադրության ու օրենսդրության համապատասխան»,-այսօր կայացած ճեպազրույցում հայտարարել է Վաշաձեն։

«Ներքին գործերի նախարարությունում խնդիր չեն տեսնում «Ուժը միասնության մեջ է» ընդդիմադիր շարժման կողմից հայտարարված բողոքի գործողությունների անցկացման մեջ, եթե դրանք ընթանան օրենքի շրջանակներում»,-հայտարարել է Ներքին գործերի նախարար Նատիա Մեզվրիշվիլին։

«Եթե ամեն ինչ ընթանա օրենքի շրջանակներում, ապա ոչ մի խնդիր չկա։ Տարբերություն չկա, թե ով բողոքի գործողություններ կանցկացնի։ Ոստիկանությունը 1 տարվա ընթացքում ապացուցել է, որ մենք հարգում ենք կարծիքի ազատ արտահայտումը»,-հայտարարել է Մեզվրիշվիլին։

«Ուժը միասնության մեջ է» դաշինքն ու ընտրություններում նախագահի թեկնածու Վաշաձեի կողմնակիցները նախօրեին ավտոշարասյունով Թելավի էին ուղեւորվել՝ Վրաստանի 5-րդ նախագահ Սալոմե Զուրաբիշվիլիի երդմնակալության ժամանակ այնտեղ խաղաղ բողոքի գործողություններ անցկացնելու նպատակով։

Սակայն ոստիկանությունը կանգնեցրել է նրանց ավտոշարասյունը Թելավիից 30կմ հեռավորության վրա եւ խնդրել՝ կա՜մ մնացած ճանապարհն անցնել ոտքով, կա՜մ օգտվել այլընտրանքային ճանապարհից, ինչն էլ պատճառ է դարձել բախման։ Ընդդիմադիրները մի քանի անգամ ճեղքել են շարասյունը եւ վնասել ոստիկանական մեքենաները։

Վրաստանի ներքին գործերի նախարարը հայտարարել է, որ կատարվածի փաստով հարուցվել է քրեական գործ «հասարակական կարգը պահպանող անձի կամ իշխանության այլ ներկայացուցչի նկատմամբ դիմադրություն, սպառնալիք կամ բռնություն» հոդվածով, ինչը պատժվում է տուգանքով կամ տնային կալանքով՝ 6 ամսից մինչեւ 2 տարի ժամկետով, կամ էլ ազատազրկումով՝ 2-ից 5 տարի ժամկետով։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սաակաշվիլին խոստանում է Վրաստան վերադառնալ առաջիկա ամիսներին
Վրաստանի նախկին նախագահը խոստանում է երկիր վերադառնալ առաջիկա ամիսներին...
Գախարիան պաշտոնապես առաջադրվել է Վրաստանի վարչապետի պաշտոնում
Սպասվում է, որ Գախարիան արդեն այսօր Վրաստանի խորհրդարանին կներկայացնի կառավարության կազմը եւ ծրագիրը…
Վրաստանի վարչապետը հրաժարական է տվել
2018 թվականին վարչապետի պաշտոնում իր թեկանծության առաջադրման նպատակն երկրի զարգացման համար ռազմավարական շրջանակի ներդրումն ու ստեղծումն էր...
«Ռուսթավի-2»-ի հաղորդավարները հեռուստաընկերությունից իրենց հեռանալու մասին հայտնել են ուղիղ եթերում
Որտեղ, նրանց խոսքով, «տոտալ զտում է սկսվել»…
Պարոն Գաբունիան ինձ համար այլեւս լրագրող չէ. Պոզներ
Ոչ թե հակառուսական դիրքորոշման պատճառով, որի իրավունքն ունի, այլ լրագրության սկզբունքների խախտման…
Վրաստանի գլխավոր դատախազությունը Թբիլիսիի ցույցերը հեղաշրջման փորձ է անվանել
«Այդ փորձի իրականացման առաջին փուլում խորհրդարանի շենքը գրոհի է ենթարկվել...