Վերջին 10 ամիսների ընթացքում Հայաստանում գնաճը կազմել 2.7 տոկոս գնաճ։ Այս մասին այսօր՝ դեկտեմբերի 17-ին, հրավիրված մամուլի ասուլիսի ժամանակ ասաց ՀՅԴ աշխատանքային իրավունքների պաշտպանության գրասենյակի ներկայացուցիչ, տնտեսագետ Սուրեն Պարսյանը:

«Սակայն նվազագույն սխառողական զամբյուղի գնաճը կազմում է մոտ 10 տոկոս, այսինքն՝ առաջնային սպառման ապրանքների գները բարձրացել են 10 տոկոսով։ Միաժամանակ նշեմ, որ միջին անվանական աշխատավարձը 3 ամիսների ընթացքում եւ մասնավոր եւ պետական սեկտորում  նվազում է։ Գներն աճում են, աշխատավարձը նվազում, հետեւաբար մեր աղքատության վիճակն ավելի է սրվում, եւ այս խնդրի լուծամն ուղղված քայլեր, քննարկումներ, ընդհանրապես տեսանելի չեն»,–ասաց Պարսյանը։

Տնտեսագետը հավելեց, որ նախատոնական գնաճը շարունակվում  է եւ այս տարի գնաճ կա նախորդ տարվա կտրվածքով. «Նույն չարազեղեն, միսը, բանջարեղենը եւս աճում են եւ դա պայմանավորված են մի քանի գործոններով, նախ գյուղատնտեսական ապրանքների կրճատում եղավ տարվա ընթացքում, գյուղատնտեսությունը գրանցեց 8.1 տոկոս անկում, ինչը հանգեցրեց բանջարեղենի, մսի գնի բարձրացում»։

Պարսյանի խոսքով՝ խնդիրը նրանում է կայանում,որ գները բարձրանում են, իսկ աշխատավարձը՝ ոչ, ինչը լուրջ խնդիր է միջին եւ աղքատ ազգաբնակչության համար։