Ամերիկյան Merriam-Webster բառարանը 2018-ի բառ է ընտրել «արդարությունը» (justice), հաղորդում է Gazeta.ru_ն՝ վկայակոչելով պարբերականի կայքը։
Նշվում է, որ այդ բառի վերաբերյալ որոնողական հարցումները 2017-ի համեմատությամբ ավելացել են 74 տոկոսով։
«Անցնող տարում մեր բազմաթիվ քննարկումների կենտրոնում արդարության հայեցակարգն էր. ռասայական արդարություն, սոցիալական արդարություն, քրեական արդարադատություն, տնտեսական արդարություն»,-ասվում է բառարանի մեկնաբանության մեջ։
Բացի այդ, հանրահայտ բառերի տասնյակում ընդգրկվել են «նացիոնալիզմը», «պանսեքսուալիզմը» (pansexual) եւ այլն։
