News
Լրահոս
News
Ուրբաթ
Մարտ 29
Տեսնել լրահոսը

Մոսկվայի մարզի Դոմոդեդովո շրջանում կենցաղային գազի թունավորման հետեւանքով 5 մարդ է մահացել, զոհերի եւ տուժածների թվում Հայաստանի քաղաքացիներ կան, փոխանցում է МК.RU–ն։ 

Բժիշկները պայքարում են տուժածներից մեկի կյանքը փրկելու համար։ «МК»–ին  հայտնի է դարձել, որ ողբերգությունը տեղի է ունեցել Շեստովո գյուղում, որտեղ մասնավոր հյուրանոց է կառուցվում։ Եկվոր 6 աշխատողների համար (երեքը Հայաստանից են, երեքը՝ Ուզբեկստանից) սովորական կեցավայրը վերածվել է գազախցիկի։ Կիրակի՝ դեկտեմբերի 16–ի առավոտյան գործընկերները նրանց հայտնաբերել են անգիտակից վիճակում։ Շինարարները շտապ օգնություն են կանչել։

Բժիշկները արձանագրել են 5 աշխատողների մահը։ Եվս մեկը ողջ էր, նրան ծանր վիճակում տեղափոխել են Վիդնոյե քաղաքի հիվանդանոց։ Ըստ բժիշկների վարկածի՝ ողբերգության պատճառը, հավանաբար, կենցաղային գազով թունավորումն է։ Քննիչները նրանց կեցավայրում գազի բալոն են հայտնաբերել, որով միգրանտները տաքանում էին։ Դրանից բացի, նրանք գիշերը խմել են։ Տղամարդիկ, ամենայն հավանականությամբ, քնել են եւ չեն նկատել, թե գազօջախն ինչպես է հանգել։

Ռուսաստանի ՔԿ Մոսկվայի մարզի Գլխավոր քննչական վարչության ղեկավարի ավագ օգնական Օլգա Վրադիյը հայտնել է, որ քննիչները պարզում են տեղի ունեցածի բոլոր հանգամանքները։ Նշանակված է մահացացածների դատաբժշկական փորձաքննություն՝ մահվան ճշգրիտ պատճառը պարզելու համար։ Լուծվում է քրեական գործ հարուցելու հարցը։

Մայրուղուն հարող այս տեղամասում սկզբում ավտոտնակային  համալիր է կառուցվել։ Սակայն տերերը որոշել են, որ այս բիզնեսը շահույթ չի ապահովի, եւ շենքը քանդել են։ Իսկ այնուհետեւ հաշված ամիսների ընթացքում տեղում հյուրանոց են կառուցել։ Գյուղի բնակիչների հաշվարկով՝ խոշոր կառույցում աշխատում է մի քանի տասնյակ բանվոր։ Բոլորը եկվորներ են, վարում են ներփակ կենսակերպ եւ տեղացիների հետ չեն շփվում։ Ներկայումս հյուրանոցում ընթանում են երեսապատման աշխատանքներ։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Երևանում թալանել են «Տոյոտա Երևան»-ի վաճառքի բաժնի ղեկավարի «Toyota»-ները
Մարտի 26-ին գողություն է տեղի ունեցել Երևանում։ Ժամը 08։15-ի սահմաններում...
Վաղ առավոտյան խուզարկել են գնդապետ Վոլոդյա Ավետիսյանի տունը
Էն ժամանակ, որ  նստած էի բանտում, Փաշինյանը, որպես ԱԺ պատգամավոր, գալիս-գնում էր իմ մոտ, հետո...
Հրդեհը բռնկվել է վագոն-տնակում. Այն ամբողջությամբ այրվել է
Մարտի 28-ին, ժամը 20։44-ին Արմավիրի մարզային փրկարարական վարչության…
Լանջազատ գյուղի ոլորանների մոտ քարաթափում է տեղի ունեցել, երթևեկությունը դարձել է միակողմանի
Պարզվել է, որ սարի լանջից տեղի է ունեցել քարաթափում՝ քարերը և հողային զանգվածը թափվել են ճանապարհի...
Ապարան-Քուչակ ճանապարհին բախվել են «VAZ»-ը և «Nissan»-ը. փրկարարները հոսանքազրկել են մեքենաները
Պարզվել է, որ Ապարան-Քուչակ ավտոճանապարհի 2-րդ կմ-ին բախվել են VAZ (վարորդ՝ Ռ․ Մ․, ծնված 1995 թ․) և Nissan...
Ֆրանսիայում ձերբակալվել է 2 կասկածյալ՝ լիցեյները պայթեցնելու սպառնալիքների համար
2005 և 2007 թվականներին ծնված երկու եղբայրները հինգշաբթի ...
Ամենաշատ