Չեխիայի վարչապետ Անդրեյ Բաբիշն այն բանից հետո, երբ իր երկիրը մերժեց մասնակցել ՄԱԿ-ի միգրացիոն պակտին, մտադիր է մերժել նաեւ Փախստականների հարցով ՄԱԿ համաձայնագրի ստորագրումը։
«Իմ կարծիքով, մեզ պետք չէ մեր վրա այդ պակտի հետ կապված պարտականություններ վերցնել»,- Pravo թերթին տված հարցազրույցում ասել է Բաբիշը՝ տեղեկացնում է՝ DW-ն։
«Դժգոհ քաղաքացիների ակցիա» շարժման 64-ամյա առաջնորդի կարծիքով՝ միջազգային կազմակերպությունները չպետք է որոշեն միգրացիայի եւ փախստականների հարցերի ոլորտում քաղաքականությունը, դա պետությունների ինքնիշխան իրավունքն է։ Նրա խոսքերով՝ բացի դա, այդ պակտերը պարտադրող իրավունք չունեն, «ուրեմն ինչու ենք ընդհանրապես դրանց մասին խոսում»։
Փախստականների հարցով ՄԱԿ համաձայնագիրը նպատակ ունի օգնել ցածր ՀՆԱ-ով երկրներին, որոնք հատկապես մեծ թվով անօրինական փախստականների են ընդունում։ Մասնավորապես, այն վերաբերում է փախստականների կրթությանը եւ առողջապահությանը։