ԱՄՆ նախագահ Դոնալդ Թրամփը «դրականորեն է արձագանքել Թուրքիայի հետ Եփրատ գետից արեւելք (Սիրիայում) գործողություն անցկացնելու հնարավորությանը»՝ հավաստիացրել է Թուրքիայի նախագահ Ռեջեփ Թայիփ Էրդողանը։
Նրա խոսքերով, Թուրքիայի զինված ուժերը ավարտել են նախապատրաստել Սիրիայում հնարավոր գործողությունը, որը ամեն պահի կարող է սկսվել։ «Մենք կարող ենք սկսել գործողությունը Սիրիայում ցանկացած պահի։ Մեր փառապանծ բանակն ավարտել է նախապատրաստական աշխատանքները»,- մեջբերել է Էրդողանին ՏԱՍՍ-ը։
Էրդողանը նաեւ նշել է, որ ԱՄՆ-ի եւ Թուրքիայի միջեւ ռազմավարական համագործակցությունը պահանջում է, որ «Ազգային ինքնապաշտպանական ուժեր» շարժման եւ «Դեմոկրատական միություն» կուսակցության քրդական ստորաբաժանումները հեռանան Եփրատ գետի արեւելքից։
