ԱՄՆ պատժամիջոցները չեն փոխի Իրանի քաղաքականությունը, հայտարարել է Իրանի արտգործնախարար Մոհամմեդ Ջավադ Զարիֆը` հավելելով, որ դրանք (պատժամիջոցները) վնասում են միայն հասարակ մարդկանց:
«Դոհայի համաժողովի ժամանակ ասացի՝ պատժամիջոցները երբեք չեն գործի: Նրանք վնասում են սովորական իրանցիներին, բայց նրանք չեն փոխում քաղաքականությունը», - Թվիթերում գրել է Զարիֆը:
Անդրադառնալով Իրանի հետ միջուկային ծրագրի շուրջ բանակցություններ սկսելու մասին նախորդ ամերիկյան վարչակազմի կողմից ընդունված քաղաքականությանը՝ Իրանի գլխավոր դիվանագետը նշել է. «Դա ԱՄՆ-ի կողմից շրջադարձ էր, ինչը հնարավորություն տվեց շարունակել Իրանի հետ բանակցությունները: Այսօր էլ նույն դինամիկան է»՝,-ասել է նա՝ ակնարկելով, որ իրանական միջուկային գործարքից դուրս գալու փոխարեն ԱՄՆ նոր կառավարությունը ավելի լավ է Իրանի հետ վեճերը բանակցային սեղանի շուրջ կարգավորի: