Կատարի ԱԳՆ ղեկավար շեյխ Մոհամմեդ Բին Աբդուլրահման Ալ Տանին քննադատության է ենթարկել Իրանի դեմ ԱՄՆ պատժամիջոցները եւ Պարսից ծոցի համագործակցության երկրներին կոչ է արել ավելի ակտիվորեն մասնակցել տարածաշրջանային ճգնաժամերի լուծմանը։
«Մենք չենք խրախուսում որեւէ երկրի դեմ միակողմանի միջոցառումները։ Պատժամիջոցները խնդրի լուծման միջոց չեն»,- CNBC-ին տված հարցազրույցում ասել է նա՝ հավելելով․ «Մենք ԱՄՆ-ին կոչ ենք անում վերանայել դրանք եւ գտնել դիվանագիտական ուղիներ»։
«Իրանը մեր տարածաշրջանի մասն է, դուր է գալիս դա մեզ, թե՝ ոչ, համաձայն ենք մենք նրա քաղաքականության հետ, թե՝ ոչ»,- նշել է նա։
