Հայաստանի ԱԳՆ-ում մեկնաբանել են ՌԴ ԱԳՆ ղեկավար Սերգեյ Լավրովի հայտարարությունն այն փաստաթղթի մասին, ըստ որի Հայաստանում բիոլաբորատորիաների տարածքում օտարերկրյա զինվորականներ չպետք է լինեն։

NEWS․am-ի հարցմանն ի պատասխան ՀՀ ԱԳՆ մամուլի քարտուղար Աննա Նաղդալյանը նշեց․ «Համատեքստից հասկանում ենք, որ խոսքը բիոլաբորատորիաների մասին է։ Սանիտարահամաճարակային վերահսկողության ոլորտում համագործակցությունը մեր երկկողմ օրակարգի մասն է։ Հայաստանը կատարում է իր բոլոր միջազգային պարտավորությունները՝ մանրէաբանության ոլորտում գիտական հետազոտությունները խաղաղ նպատակով օգտագործելու համար»։