Կոլումբիական զինված ուժերի զինծառայողները ավազակների ձեռքից փրկել են համաշխարհային գրող Գաբրիել Գարսիա Մարկեսի զարմուհուն։ Նրանք աղջկան առեւանգել էին օգոստոսի վերջին եւ նրան ազատելու համար 5 մլն դոլար էին պահանջում։ Այս մասին հայտարարել է երկրի նախագահ Իվան Դուկեն՝տեղեկացնում է Reuters-ը։
34-ամյա Մելիսա Մարտինես Գարսիային առեւանգել էին երկրի հյուսիսում գտնվող Սանտա Մարտա քաղաքից ոչ հեռու։ Նա Նոբելյան մրցանակակիր գրողի եղբոր՝ Խայմե Գարսիա Մարկեսի թոռնուհին է։
Դուկեն ասել է, որ զինված ուժերի համակարգված գործողության շնորհիվ Մելիսա Մարտինես Գարսիան փրկվել է։ «Դա լրտեսական եւ ռազմավարական անթերի գործողություն էր, որ իրականացվում էր մի քանի ամիս»,- ասել է նա։
Գործողության հետեւանքով 15 մարդ է ձերբակալվել։