Պհուկեթում կոբրան ելույթի ժամանակ խայթել է մարզիչին, հայտնում է Daily Mirror-ը։
35-ամյա մարզիչը օձին պահել է ձեռքերում, երբ սողունը խայթել է նրա ձախ ձեռքը։ Տղամարդը արագ իրենից հեռացրել եւ մի կողմ է նետել օձին, ապա հեռացել․ «Ինձ բազում անգամներ են օձերը խայթել, սակայն այսպիսի ծանր հետեւանքներ ոչ մի անգամ չի եղել։ Շունչս սկսեց կտրվել եւ ուշաթափվեցի»,-նշել է նա։
Տուժածին տեղափոխել են հիվանդանոց, որտեղ նրան հակաթույն են ներարկել։ Երեք օր անց տղամարդուն դուրս են գրել, սակայն խայթոցի հետեւանքները չեն անցել նույնիսկ մեկ շաբաթ անց։ Օձի թույնի պատճառով նրա աջ ձեռքին, ազդրերին եւ շրթունքի ներքին հատվածին այրվածքներ հիշեցնող վերքեր են հայտնվել։
«Նա Թաիլանդի հարավից բերված թագավորական կոբրա է, նրա թույնը ամենաուժեղն է։ Սակայն ես դրան չէի սպասում»,-նշում է տղամարդը։ Նա չի մեղադրում է օձին եւ խոստովանում է, որ տեղի ունեցածում կա նաեւ իր մեղքը։
Թագավորական կոբրայի թույնը նեյրոտոքսիկ ազդեցություն է գործում։ Այն առաջացնում է շնչառական մկանների կաթված, շնչառության կանգ եւ մահ։ Մեծ կոնցենտարցիայի դեպքում մարդը կարող է խայթոցից 15 րոպե անց մահանալ։