Կոսովոն իր քաղաքացիների համար ոչ վիզային ռեժիմի ձգձգման պատճառով իրեն դավաճանված է համարում Եվրոպական միության կողմից, որին ձգտում է միանալ։ Այս մասին ԵՄ բարձրաստիճան պաշտոնյաների հետ հանդիպմանը հայտարարել է երկրի վարչապետ Ռամուշ Խարադինայը՝ տեղեկացնում է Reuters-ը։
Կոսովոն Արեւելյան Եվրոպայում միակ երկիրն է, որի քաղաքացիներին արգելվում է առանց վիզայի մուտք գործել ԵՄ անդամ երկրներ։
ԵՄ հայտարարության մեջ ասվում է, որ Կոսովոյին առաջարկվում է չեղարկել վերջերս Սերբիայի, Բոսնիայի եւ Հերցոգովինայի համար սահմանված տուրքերը, եւ ընդգծվում էԿոսովոյի եւ Սերբիայի միջեւ յոթնամյա երկխոսության կարեւորությունը։
Բրյուսելը Կոսովոյին եւ Սերբիային հայտարարել է, որ նրանք պետք է կարգավորեն հարաբերությունները՝ որպես ԵՄ անդամության նախապայման։