Twitter սոցցանցը նոյեմբերի կեսին վերացրել է խոցելիությունը, որը կարող էին օգտագործել օգտատերերի մի քանի անձնական տվյալներ գողանալու համար, ինչպես նաեւ կասկածելի ակտիվություն է նկատվել Չինաստանի եւ Սաուդյան Արաբիայի կողմից՝ տեղեկացնում է Ռիա Նովոստին։
Հետաքննության ժամանակ Twitter-ը նկատել է API-ին (ծրագրային ինտերֆեյս հավելվածներ) վերաբերող կասկածելի որոշ գործողություններ։ «Մասնավորապես, մենք նկատեցինք մեծ թվով հարցումներ, որոնք գալիս էին Չինաստանի եւ Սաուդյան Արաբիայի առանձին IP-հասցեներից։ Թեեւ մենք չենք կարող հաստատապես իմանալ նրանց մտադրությւունների մասին, սակայն բացառված չէ, որ այդ IP-հասցեներից որոշները կարող են կապված լինել պետական ֆինանսավորում ստացող սուբյեկտների հետ»,- նշում է սոցցանցը։
Twitter-ը իր հետաքննության արդյունքների մասին տեղեկացրել է նաեւ իրավապահ մարմիններին։