News
Լրահոս
News
Կիրակի
Մայիս 26
Տեսնել լրահոսը

Դեկտեմբերի 17-ից 19-ը պաշտոնական այցով Վրաստանում է Հայաստանի Հանրապետության ոստիկանության պետ Վալերիյ Օսիպյանի գլխավորած պատվիրակությունը:

Ոստիկանությունից NEWS.am-ին հայտնում են, որ դեկտեմբերի 18-ին Վրաստանի ներքին գործերի նախարարությունում Հայաստանի ոստիկանության պատվիրակությանն ընդունեց նախարար Գեորգի Գախարիան:

Երկու երկրների իրավապահ կառույցների ղեկավարների առանձնազրույցին հաջորդեց Հայաստանի ոստիկանության եւ Վրաստանի ՆԳ նախարարության ներկայացուցիչների ընդլայնված նիստը:

Վրաստանի ՆԳ նախարար Գեորգի Գախարիան կարեւորեց Հայաստանի պատվիրակության այցը` ընդգծելով, որ մեծ պատիվ է հայ գործընկերների հետ համատեղ պայքարել ժամանակակից մարտահրավերների դեմ` հանուն երկու երկրների ապահովության ու քաղաքացիների անվտանգության:

Գեորգի Գախարիան հավաստեց, որ վրացական կողմն անում է ամեն ինչ, որպեսզի համագործակցությունը լինի առավել արդյունավետ եւ կրկին հաստատեց փոխգործակցության հետագա խորացման ու ընդլայնման պատրաստակամությունը:

Հայաստանի Հանրապետության ոստիկանության պետ Վալերի Օսիպյանը շնորհակալություն հայտնելով ջերմ ընդունելության համար` կարեւորեց հատկապես վերջին տարիների սերտ համագործակցությունն ու գործընկերային հարաբերությունների արդյունքները: Հանցավորությունը չունի ազգություն ու սահմաններ, ընդգծեց Հայաստանի ոստիկանության պետը, եւ մեր իրավապահ կառույցների գործընկերության վաղեմի ու հարուստ փորձը վկայում է, որ միայն համատեղ ջանքերով է հնարավոր համարժեք հակազդել հանցավորության արդի մարտահրավերներին` արդարացնելով այն ակնկալիքները, որ իրավապահներից ունի հասարակությունը:

Հայաստանի եւ Վրաստանի իրավապահ կառույցների ներկայացուցիչների համատեղ նիստում քննարկվեց փոխադարձ հետաքրքրություն ներկայացնող եւ փոխգործակցության խորացմանն ուղղված հարցերի լայն շրջանակ:

Տպել
Կարդացեք նաև
Ամբողջը
Արթուր Վանեցյանն իր վրաց գործընկերոջ հետ քննարկել է տարածաշրջանային ներկա զարգացումները
ՀՀ ԱԱԾ տնօրենը եւ Վախթանգ Գոմելաուրին քննարկել են երկու երկրների անվտանգության ծառայությունների փոխգործակցության հեռանկարները…
Տիգրան Խաչատրյան Վրաստանի դեպանի հետ քննարկել է տնտեսական փոխգործակցության ամրապնդման հնարավորությունները
Նախարար Խաչատրյանը եւ դեսպանը քննարկել են առաջիկայում սպասվող տնտեսական միջոցառումների եւ հանդիպումների շրջանակը...
Դիլիջանում տեղի կունենա հայ-վրացական բիզնես-համաժողով
Հունիսին Դիլիջանում տեղի կունենա հայ-վրացական գործարար համաժողով...
Հայ-վրացական հարաբերությունները զարգացման մեծ ներուժ ունեն. ՀՀ նախագահը հանդիպել է Վրաստանի վարչապետ հետ
Զրուցակիցները համակարծիք են եղել, որ փոխգործակցությունը բոլոր ոլորտներում…
Հայաստանը մտադիր է խորացնել փոխշահավետ գործակցությունը Վրաստանի հետ. Վլադիմիր Կարապետյան
Հանդիպմանը Վլադիմիր Կարապետյանը ներկայացրել է Հայաստանում տեղի ունեցած թավշյա...
Ամռանը հայ-վրացական գործարար համաժողով կանցկացվի. Խորհրդակցություն՝ Հայաստանի եւ Վրաստանի ԱԳՆ-ների միջեւ
Անդրադարձ կատարվեց փոխադարձ հետաքրքրություն ներկայացնող մի շարք թեմաների, մասնավորապես՝ տարածաշրջանային անվտանգությանը…