Նոյեմբերի 23-ին, ժամը 00.50-ին, ոստիկանության Մասիսի բաժին 37-ամյա տաքսու վարորդից հաղորդում էր ստացվել, որ «Մալաթիա» տոնավաճառից ուղեւոր է վերցրել ու տարել Մասիս քաղաքի մոտակայք, որտեղ ուղեւորը իրենից 5000 դրամ է վերցրել, հետո քաշքշել են իրար, ուղեւորը սպառնացել է, որ դանակով կխփի իրեն, ապա դիմել է փախուստի:

Մեկնած օպերատիվ խումբը պարզել է, որ նույն օրը, ժամը 00.30-ի սահմաններում, տուժողը իրեն պատկանող «Օպել» մակնիշի վտոմեքենայով նշված տոնավաճառի դիմացից անծանոթ երիտասարդի տեղափոխել է Այնթապ գյուղ, որտեղ սուպերմարկետի մոտ, մորը դեղ գնելու պատրվակով, ուղեւորը վարորդից խնդրել է 5000 դրամ՝ ասելով, որ վարձավճարի հետ կվերադարձնի, սակայն հասնելով Այնթապ գյուղում իր նշված վայր՝ հրաժարվել է վերադարձնել գումարը եւ վարձավճարը, վիճաբանել է վարորդի հետ եւ սպառնացել, որ կվնասի նրան:

Փաստի առթիվ հարուցվել է քրեական գործ:

Ձեռնարկված օպերատիվ-հետախուզական միջոցառումների արդյունքում, դեկտեմբերի 17-ին պարզվել է, որ նշված հանցագործությունը կատարել է 1993 թ. ծնված Զավեն Մ.-ն, որը ներկայացել է Մասիսի քննչական բաժին եւ տվել ցուցմունք:

Նախաքննությունը շարունակվում է: