Կաթոլիկական Սուրբ ծնունդի տոների գլխավոր հրաշագործը՝ Լապլանդիայից Սանտա Կլաուսը, պատրաստվում է նվերներ հանձնել Ռուսաստանի, ԱՄՆ-ի եւ Ֆինլանդիայի նախագահներ Վլադիմիր Պուտինին, Դոնալդ Թրամփին եւ Սաուլի Նիինիստիոյին, սակայն չի ասում, թե ինչպիսի նվերներ, փոխանցում է «ՌԻԱ Նովոստի»–ն:
«Ես դա գաղտնի եմ պահելու: Եթե ցանկանում եք իմանալ, պետք է այդ մասին խնդրեք պատմել Դոնալդին, Վլադիմիրին եւ Սաուլիին»,- ասել է Սանտա Կլաուսը «ՌԻԱ Նովոստի»–ին:
Սանտա Կլաուսն ապրում է իր պաշտոնական նստավայրում, Բեւեռային շրջանում գտնվող Սանտա Կլաուս գյուղում, ֆինլանդական Ռովանիեմի քաղաքին մոտ: Բեւեռային շրջանը միշտ եղել է Սանտայի համար ամենասիրելիներից մեկը։
«Սանտա Կլաուսի տունը հեռավոր հյուսիսում է, բայց նա նաեւ ապրում է պատմության եւ հեքիաթների զարմանահրաշ աշխարհում»,– հստակեցնում են էլֆերը հրաշագործի պաշտոնական կայքում:
