Հայաստանի Կենտրոնական բանկի խորհրդի անդամ Արթուր Ստեփանյանը հայկական դրամի հնարավոր դեւալվացիայի եւ երկրում դեֆոլտի սպառնալիքի մասին լուրերը ապատեղեկատվություն անվանեց:
Հիշեցնենք, որ ավելի վաղ հայկական ԶԼՄ-ները, հղում անելով սեփական աղբյուրներին, հաղորդում էին, որ հունվարին երկրում 20 տոկոսով ազգային արժույթի դեւալվացիա կլինի եւ դեֆոլտ կհայտարարվի:
«Հայաստանում ոչ դեֆոլտ, ոչ դեւալվացիա չի սպասվում եւ նման հայտարարությունները հիմնավոր չեն»:
Ավելի վաղ արված Կենտրոնական բանկի հայտարարության համաձայն` մամուլում հրապարակված այսպիսի ապատեղեկատվությունը նպատակաուղղված է բացասական ակնկալիքների եւ արհեստական վարքի ձեւավորմանը:
ԿԲ-ն լրատվամկիջոցներին կոչ արեց «վաճառվող նորությունները» գնաճի, արժույթների փոխարժեքի, պահուստների, դեպոզիտների, վարկերի եւ ֆինանսական համակարգի թեմաներով չգեներացնել: