Մենք հստակ տրամադրված ենք, որ ամենաակտիվ կերպով փոխգործակցենք Հայաստանի նոր ղեկավարության հետ: Այս մասին այսօր՝ դեկտեմբերի 18-ին, լրագրողների հետ հանդիպման ժամանակ նշել է Հայաստանում ՌԴ դեսպան Սերգեյ Կոպիրկինը՝ մեկնաբանելով երկու երկրների քաղաքական ղեկավարությունների միջեւ հարաբերությունները:
Նրա խոսքով, անհրաժեշտ է ավելացնել դրականը, փոխադարձ վստահությունը, փոխըմբռնումը, ինչպես նաեւ միասին լուծել բազամթիվ խնդիրներ: «Դա արդեն կա, բայց այդ ուղղությամբ աշխատանքները շարունակելը կստեղծի այնպիսի մթնոլորտ, երբ հնարավոր կլինի ինչ-որ ավելի ոչ ֆորմալ բան անել: Կարծում եմ՝ հենց այստեղ է մեր մոտեցման էությանը»,-պարզաբանել է դեսպանը:
