Վերջին տարիներին տնտեսության զարգացման եւ ֆինանսավորման գործում դրամական փոխանցումների դերը պակաս նշանակալի է դարձել։ Այս մասին այսօր՝ դեկտեմբերի 18-ին, լրագրողների հետ հանդիպմանը ասաց Կենտրոնական բանկի խորհրդի անդամ Արթուր Ստեփանյանը։
Նա նկատել է, որ նախորդ տարիներին դրամական փոխանցումների մասնաբաժինը երկրի ՀՆԱ–ում կազմել է 25-36 տոկոս, հետագայում նվազելով մինչեւ 18-20 տոկոսով։ Այս տարի, տրանսֆերտների տոկոսադրույքը ՀՆԱ–ում կազմում է ընդամենը 10 տոկոս։
«Բայց դա չի նշանակում դրամական փոխանցումների ծավալների կրճատում, խոսքը ՀՆԱ-ում նրա մասնաբաժնի կրճատման մասին է»,–պարզաբանել է Ստեփանյանը։
Նա նկատել է, որ դրամական մեկ փոխանցման գումարը միջինում կազմում է 500 դոլար, Հայաստանից՝ 2800 դոլար։
«Տրանսֆերտների աճը Հայաստանից պայմանավորված է ֆիզիկական անձանց կողմից համացանցում կատարված առեւտուրը, որի հիմնական շուկան Չինաստանը, ԱՄԷ–ն, ինչպես նաեւ փոխանցումների աճով ԱՄՆ–ն եւ Միացյալ Թագավորությունն է։ Վերջինը պայմանավորված է նրանով, որ այդ երկրների բուհերում սովորում են Հայաստանից գնացած շատ ուսանողներ»,–նշեց ԿԲ ներկայացուցիչը։
Պատասխանելով հարցին, թե հնարավոր է տրանսֆերտների հարկումը, նա նշել է, որ այդ մասին խոսք չի կարող լինել, քանի որ մեկ դրամական փոխանցման գումարը կազմում ընդամենը 500 դոլար։«Կարծում եմ՝ այդ հարցը պետք է փակվի»,–եզրափակել է ԿԲ խորհրդի անդամը։