Եվրամիության պաշտպանական նախաձեռնությունները չեն կարող փոխարինել ՆԱՏՕ-ին։ Postimees թերթին տված հարցազրույցում նման կարծիք է հայտնել դաշինքի քարտուղար Յենս Սթոլթենբերգը։
Նա հավելել է, որ Բալթյան երկրներում տեղակայված ՆԱՏՕ-ի 4 գումարտակներից երեքում առաջնորդում են երկրներ, որոնք կա՛մ չեն մտնում ԵՄ-ի մեջ (ԱՄՆ եւ Կանադա), կա՛մ շուտով դուրս կգան այնտեղից (Մեծ Բրիտանիա)։ «Թուրքիան կարեւոր նշանակություն ունի, մանավանդ՝ հարավում ԻԳԻԼ-ի դեմ պայքարում, Նորվեգիան եւ Իսլանդիան կարեւոր են Ատլանտյան օվկիանոսի հյուսիսային մասում Ռուսաստանի ներկայության պատճառով։ Կանադան եւ Մեծ Բրիտանիան արեւմուտքում կարեւոր են ոչ միայն իրենց չափերի, այլեւ դիրքի համար»,- ասել է Սթոլթենբերգը։
Միեւնույն ժամանակ, նա ողջունել է պաշտպանության ամրապնդման ԵՄ երկրների նախաձեռնությունը։ «Իրականությունն այն է, որ ես կարող եմ միայն ողջունել պաշտպանության բնագավառում ԵՄ գործողությունները»,- ասել է նա։