Porsche ընկերությունը իր առաջին սերիական էլեկտրոմոբիլի նոր վիդեոթիզեր է հրապարակել, որը կստանա Taycan անվանումը։ Մոդելի անվանումը, որը փոխառված է թյուրքական լեզուներից, կարելի է թարգմանել որպես «երիտասարդ, կյանքով լի նժույգի ոգի», փոխանցում է Autonews-ը։
Մոդելի Mission E անվամբ նախատիպը ներկայացվել էր 2016 թվականին Փարիզի ավտոսրահում։ Այն հագեցած է էլեկտրական շարժիչով, որն տեղադրված է առջեւի ու հետեւի սռնիների վրա։ Ագրեգատը զարգացնում է ավելի քան 600 ձիաուժ, որի շնորհիվ մեքենան 100 կմ/ժ արագություն է հավաքում 3,5 վայրկյանում։
Porsche Taycan-ի սերիական թողարկումը կմեկնարկի 2019 թվականին գերմանական Ցուֆֆենհաուզենի ձեռնարկությունում։