ԱՄՆ նախագահ Դոնալդ Թրամփը նամակ է ուղարկել կոսովյան իր գործընկեր Հաշիմ Տաչիին՝ կոչ անելով նրան ամեն ինչ անել Սերբիայի հետ համաձայնության գալու համար՝ տեղեկացնում է Reuters-ը։
«Այս յուրօրինակ հնարավորությունից օգուտ քաղելու անկարողությունը կդառնա ողբերգական անհաջողություն, քանի որ դժվար թե եւս մեկ համընդգրկուն խաղաղության հնարավորություն ստեղծվի»,- ասվում է նամակում, որը տեղադրվել է Կոսովոյի նախագահի կայքում։
Նշվում է, որ Թրամփը պատրաստ է «պատմական համաձայնագրի շրջանակներում» Սպիտակ տանն ընդունել Կոսովոյի եւ Սերբիայի նախագահներին։