Հնդկաստանի Մումբայ քաղաքի ոստիկանությունը կալանավորել է տեղացի բնակիչներից մեկին, որը կեղծել էր իր վաղուց մահացած մոր փաստաթղթերը՝ նրան ողջ ներկայացնելով, ապօրինի կերպով նրա 2,85 մլրդ ռուպի (մոտ 41 մլն դոլար) ունեցվածքին տիրանալու համար: Այս մասին հայտնում են տեղական իրավապահները, հաղորդում է NDTV-ն:
Իր մոր մահից հետո Սունիլ Գուպտան կեղծ վկայական էր պատրաստել, որ նա դեռ ողջ է եւ կեղծել էր փաստաթղթերը, որպեսզի մոր ընկերությունը խաբեության ճանապարհով իրեն եւ իր ընտանիքին անցներ», - ասել է Մանոջ քաղաքի ոստիկանության ներկայացուցիչ Կումար Պանտը:
Տղամարդու մայրը՝ Կամլեշ Ռանյին, մահացել էր 2011 թվականին: Նշվում է, որ կենդանության ժամանակ կինը 2,85 մլրդ ռուպի ակտիվներ ուներ, այդ թվում մոմերի արտադրության գործարան: Իր կտակում կինը գրել էր, որ ողջ ունեցվածքը պետք է հավասար բաժանվի երկու որդիների միջեւ:
Երբ ավագ եղբայրը՝ Սունիլ Գուպտան, որոշել էր ամբողջությամբ տիրանալ ժառանգությանը, կրտսեր եղբայրը՝ Վիջայը, դիմել էր իրավապահ մարմիններին:
Հարցը խաղաղ ճանապարհով լուծելու կրտսեր եղբոր փորձերը հաջողություն չունեցան: Նա ոստիկանությանը պատմել էր, որ Սունիլից համաձայնություն չստանալով ունեցվածքն ըստ կտակի բաժանել, այնուհետ երեք անհայտ անձանց կողմից ծեծի էր ենթարկվել, որոնք անգամ նրան դաժան դատաստանով էին սպառնացել:
Ներկայումս Սունիլ Գուպտան եւ նրա ողջ ընտանիքը քննության մեջ են ներառված:
