ԱՄՆ Կոնգրեսի հայկական հարցերի հանձնաժողովը կոչ է արել Պետդեպարտամենտին ակտիվացնել ԱՄՆ-ի և Հայաստանի միջև ռազմավարական երկխոսությունը ԱՄՆ-Հայաստան ժամանակավոր խմբի միջոցով և մեծ ուշադրություն դարձնել կարճաժամկետ եւ միջնաժամկետ տնտեսական արդյունքներին: Այս մասին հաղորդում է Ամերիկայի Հայ Դատի հանձնախումբը (ANCA):
Կոմիտեի անդամները նամակ են հղել ԱՄՆ պետքարտուղար Մայք Պոմպեոյին, որում ասվում է, որ այժմ իսկը ժամանակն է ամրապնդելու Հայաստանի ժողովրդավարական առաջընթացը և նոր մակարդակի բարձրացնելու քաղաքական, տնտեսական, ռազմական և մշակութային ոլորտներում երկկողմ հարաբերությունները:
Այնուհետև նամակում նշվում է, որ «աջակցությունը համընդհանուր ժողովրդավարական անցումին կնպաստի տնտեսական ոլորտում անհրաժեշտ առաջընթացին»։ Կոնգրեսականները կոչ են անում Պետդեպարտամենտին առաջնային ուշադրություն դարձնել կրկնակի հարկումը բացառելու, չհարկվող ապրանքների ցուցակն ընդլայնելու, Երեւանի եւ Լոս Անջելեսի միջև ուղղակի թռիչքների եւ այլ հարցերի շուրջ արդեն վաղուց հասունացած պայմանագրին:
ANCA-ի գործադիր տնօրեն Արամ Համբարյանը ողջունել է նախաձեռնությունը: Հայաստան-ԱՄՆ խումբը նախատեսում է անցկացնել հաջորդ հանդիպումը 2019 թվականի առաջին եռամսյակում:
