Հայաստանում կարտոֆիլի գների բարձրացման պատճառներն այդքան էլ պարզ եւ հասկանալի չեն: Այս մասին, այսօր՝ դեկտեմբերի 19-ին, ասուլիսում նշեց «Սպառողների խորհրդատվական կենտրոն» հասարակական կազմակերպության նախագահ Կարեն Չիլինգարյանը:
Նա հաստատեց, որ կարտոֆիլի գինը բարձրացել է 80-100% -ով: «Ասում են այն պատճառով, որ այն քիչ է: Նախորդ տարիներին կարտոֆիլը ներմուծվել է: Ինչու հիմա դա չի արվում, պարզ չէ: Բայց նախկինում չեմ հիշում նման գներ», - նկատեց Չիլինգարյանը:
Այլ ապրանքատեսակների դեպքում զգալի գնային տարբերություններ չկան, միայն բանջարեղենի եւ մրգերի գնի մեջ սեզոնային տատանումներ կան:
Փորձագետը հիշեցրեց, որ նախատոնական օրերին ավելի շատ են գնորդները, հետեւաբար արտադրանքի որակի վերահսկումը բավարար չէ: Դրանից հետեւություն, որ գնորդները պետք է զգոն լինեն:
Խոսելով հաջորդ տարի ապրանքների գների հնարավոր բարձրացման մասին, փորձագետը նշեց, որ դժվար է նման բան կանխատեսել. «Դեռեւս նախադրյալներ չկան նման ենթադրության համար: Բայց 2020 թվականից կարող են լինել, դա կապված է ԵՏՄ-ին միանալու պահով օրենսդրական փոփոխությունների հետ»: