Անկարայում Ադրբեջանի եւ Թուրքիայի միջեւ բարձր մակարդակի Ռազմական երկխոսության 11-րդ նիստն է ընթանում, որտեղ քննարկվում են անվտանգության, ռազմական, ռազմատեխնիկական, ռազմաբժշկական, ռազմարդյունաբերկան եւ այլ ոլորտներում համագործակցության հարցերը:
Այս մասին հաղորդում են ադրբեջանական ԶԼՄ-ները` հղում անելով Ադրբեջանի պաշտպանության նախարարության մամուլի ծառայությանը:
Նիստին կհամաձայնեցվի նաեւ 2019 թ. համագործակցության ծրագիրը: Հանդիպումը, որը կտեւի մինչեւ դեկտեմբերի 20-ը, անցկացվում է Ադրբեջանի պաշտպանության փոխնախարար ՔերիմՎելիեւի եւ Թուրքիայի գլխավոր շտաբի պետի տեղակալ Մեթին Գյուրակի նախագահությամբ:
Թուրքիայի եւ Ադրբեջանի միջեւ ռազմական երկխոսությունը սկսվել է 2007 թվականից եւ ամեն տարի անցկացվում է: Երկխոսության շրջանակում գործում են արդյունաբերության, ռազմաքաղաքական եւ նյութատեխնիկական ապահովման ոլորտի օժանդակ աշխատանքային խմբեր: