Համացանցում հայտնվել են Իլոն Մասկի կողմից Լոս Անջելեսի մերձակայքում բացված արագընթաց ստորգետնյա թունելի կադրերը, որը կառուցել է նրա The Boring Company ընկերությունը:
Ճանապարհով անցել է նրա Tesla ապրանքանիշի մեքենան, հաղորդում է «ՌԻԱ Նովոստին»:
Շնորհանդեսի ժամանակ, որը հեռարձակվել է The Boring Company կայքում, գործարարը թունելով անցնելը համեմատել է հեռափոխադրման հետ:
«Կարելի է ժամում ավելի քան 240 կմ ժամ արագությամբ գնալ: Այդ արագության ժամանակ թվում է, որ հեռափոխադվում ես քաղաքով: Բոլոր թունելներում հետիոտների եւ հեծանվորդների համար անընդհատ շրջանառվող մեքենաներ կլինեն», — թվիթերում գրել է Մասկը:
Գործարարի խոսքով թունելով արագ անցնելու համար մեքենաները հանվող կողային անիվներ կունենան: Նա հավելել է, որ նման անիվները կարող են պատրաստվել նաեւ այլ ինքնավար մեքենաների համար:
Թունելի շինարարության համար մոտ 10 մլն դոլար է ծախսվել:
Մասկը The Boring Company-ն հիմնադրել էր 2016 թվականի վերջին:
Ձեռնարկատիրոջ ծրագրով նախատեսվում է թունելների երկու ցանցերի զուգահեռ շինարարություն Լոս Անջելեսում եւ Արեւելյան ափին՝ մայրաքաղաքի շրջանում:
Հաջորդ փուլում հնարավոր է Տեխասում եւ Սան Ֆրանցիսկոյում ստորգետնյա միջանցքներ կառուցվեն:
Թունելի կառուցման մասին Մասկը հայտնել էր 2017-ի վերջին:
