Վաշինգտոնը դիտարկում է Հյուսիսային Կորեա մեկնելու սահմանափակումների թուլացումը՝ հումանիտար բեռների առաքումը հեշտացնելու համար։ Այդ մասին, ժամանելով Հարավային Կորեա, հայտնել է Հյուսիսային Կորեայի հարցերով ԱՄՆ հատուկ դեսպանորդ Սթիվեն Բիգունը՝ տեղեկացնում է AP-ը։
Նրա խոսքերով՝ հարավկորեացի պաշտոնատար անձանց հետ ինքը մտադիր է քննարկել Հյուսիսային Կորեայի հետ փոխհարաբերությունների ուղիները, որոնք կօգնեն «շարժվել առաջ եւ հաղթահարել 70-ամյա թշնամանքը»։
Այդ համատեքստում դիվանագետը հայտնել է, որ պետական քարտուղար Մայք Պոմպեոն իրեն հանձնարարել է վերանայել ԿԺԴՀ-ի համար հումանիտար օգնությանը վերաբերող ԱՄՆ քաղաքականությունը։
Նա նաեւ նշել է, որ կդիտարկեն ԿԺԴՀ ամերիկյան քաղաքացիների մեկնումների հարցը՝ հումանիտար օգնությունը հեշտությամբ տեղ հասցնելու համար։