Շիրակի ՀՅԴ մարզային կոմիտեն չի գործում, իսկ այդ մարմնի կառույցում տեղակայված Գյումրիի կոմիտեն գրեթե միշտ փակ է, կուսակցության ներկայացուցիչներն էլ իրենց երկրորդ աշխատավայրերում են:
Գյումրիի ՀՅԴ կոմիտեի ներկայացուցիչ Արամ Հակոբյանի մեկնաբանությամբ առանձնապես խնդիրներ չկան, «ուղղակի կոմիտեն որոշել է ավելի թափանցիկ դարձնել Շիրակի մարզային գրասենյակում աշխատանքը»:
«Կան ներկուսակցական խնդիրներ, բայց ամեն ինչ իրականում նորմալ է, մարզային կոմիտեն չի գործում, բայց դա ժամանակի խնդիր է»,- ասում ՀՅԴ Գյումրիի կոմիտեի ներկայացուցիչը:
Իսկ ՀՅԴ Գյումրիի կառույցի մամուլի պատասխանատու Կարեն Գալստյանը մեկնաբանում է, որ լուրջ անախորժություններ են եղել գյումրեցի դաշնակցականների միջեւ:
«Վիճաբանում էին ավելի բարձր պաշտոնների համար, Գերագույն մարմինն էլ զայրացել ու որոշում է կայացրել մարզային ու Գյումրիի քաղաքային կառույցների լուծարման վերաբերյալ»,- ասել է նա: