Թուրքիան վերականգնելու է իր տարածքում գտնվող Խանձթիի, Օշկիի, Իշախանի եւ Օթխթայի ուղղափառ տաճարները, իսկ Վրաստանում կվերականգնվեն Սամցխեշիի, Խարջամիի եւ Ախալցխայի մզկիթները, Քոբուլեթիում 19-րդ դարում կառուցված մզկիթը, իսկ Բաթումիում կկառուցվի 20-րդ դարում քանդված Ազիզեի մզկիթը:
Աջարիայի «Հանրապետական» կուսակցության ղեկավար Մուրման Դումբաձեն հայտարարել է, թե այս հարցի վերաբերյալ ոչ ոք բաց չի խոսում, ինչը նշանակում է, որ խնդրի լուծումն ընթանում է արագացված տեմպերով եւ թաքուն:
Վրաստանում մզկիթների կառուցելու հանգամանքը դուր չի գալիս վրաց ժողովրդին:Ինչպես նշում է վրացական «Սամխրեթիս Կարիբջե» պարբերականը, գարնանը Սամցխե-Ջավախքում նոր մահմեդականներ են բնակություն հաստատելու, իսկ դա տեղացիների խոսքով հղի է լուրջ վտանգներով:
Նշենք, որ Վրաստանն ու Թուրքիան համաձայնգիր են ստորագրել, ըստ որի` Թուրքիայի տարածքում վերականգնվելու են վրացական եկեղեցիները, իսկ Վրաստանում` թուրքական մզկիթները:
